25–ամյա երիտասարդը խաբել է 80 հազար քաղաքացու՝ յուրացնելով 1 մլդ դոլար

16/03/2018 05:11
25–ամյա երիտասարդը խաբել է 80 հազար քաղաքացու՝ յուրացնելով 1 մլդ դոլար

Թուրքիայում թիվ մեկ թեման դարձել է «Գյուղատնտեսական բանկ» խաղի կազմակերպիչ Մեհմեդ Այդընի կողմից 80 հազար քաղաքացու խաբելու եւ գումարներով Թուրքիայից փախչելու փաստը։

Թուրքական Cumhuriyet–ի փոխանցմամբ՝  25–ամյա Մեհմեդ Այդընը համակարգչային խաղ էր ստեղծել, որում օգտատերերը վիրտուալ անասուններ կամ հավ են գնում իրական փողերով։ Կազմակերպիչը այդ հավեր կամ անասուններ գնողներին խոստացել էր 220 տոկոս շահույթ մեկ տարի անց՝ հայտարարելով, որ իրենց տված գումարներով իրական անասնաֆերմա է կառուցվում եւ հիմնական շահույթը գալու է հենց այդ անասնաֆերմայից։

25–ամյա երիտասարդին հաջողվել է նման ձեւով հավաքել մինչեւ 1 միլիարդ դոլար 80 հազար քաղաքացուց։ 

Երբ տոկոսները ստանալու համար քաղաքացիները գնացել են «Գյուղատնտեսական բանկ» խաղի գրասենյակ, պարզվել է, որ ընկերությունը լուռ հեռացել էր տարածքից՝ չթողնելով ոչ պարզաբանում։

Անմիջապես հայտնի է դառնում, որ խաղի գլխավոր տնօրեն Մեհմեդ Այդընը անհետացել է, իսկ խաղի բանկային հաշիվներն էլ զրոյական են, այսինքն Մեհմեդ Այդընը տարել է ամբողջ գումարը։

Նշվում է, որ դարի խարդախության հեղինակ Մեհմեդ Այդընը Դուբայի միջոցով փախել է Ուրուգվայ։