Տեղական արտադրանքը զարգանում է միջազգային շուկայում

Եղեգնաձորի «Գոլդեն գոութ»   ՓԲԸ-ն հիմնադվել է  2009թ-ին։  Ընկերությունը  ՀՀ-ում այծի պանրի արտադրությամբ  զբաղվող դեռեւս միակ արտադրողն է։   «Գոլդեն գոութ»-ում 12 տեսակի պանիրներ  են  արտադրվում, անվանումն իսկ ասում է ամեն ինչ՝  ոսկյե այծ։ Արտադրանքը մաքուր անարատ կաթից է պատրաստված, այծի պանրի պահանջարկը ավելի շատ է մեր երկրից դուրս, քան տեղական շուկայում։

ԱՄՆ-ում եւ ՌԴ-ում այծի պանիրը շատ հարգի եւ պահանջված է, քանի որ այն իր մեջ խոլեստերին չի պարունակում, ինչպես մեր ժողովրդական խոսքն է ասում, այծի կաթը համով եւ առողջարարությամբ օգտակար է եւ կարող է փոխարինել մայրական կաթին։

Որպես դելիկատես եւ օգտակար այծի պանիրը սեղանների կարեւոր բաղկացուցիչ մասն է համարվում, յուրաքանչյուրն ունի իր բնորոշ համն ու բույրը։ Մարզի բնակիչներից շատերը ձգտում են աշխատանքի տեղավորվել այստեղ, սակայն կամ իրենց բնակավայրերի հեռավորության պատճառով չեն կարողանում տեղավորվել ժամանակի մեջ, կամ էլ՝ մասնագետներ չեն։ Իսկ ընկերությանը անհրաժեշտ են հիմնականում հմուտ տեխնոլոգ մասնագետներ եւ  բարեխիղճ աշխատողներ՝ սննդի արտադրությունում։