Պարադոքս՝ ուղնուծուծով կոռումպացվածը ուզում է պայքարել կոռուպցիայի դեմ

Արմավիրի մարզի դատախազ Սարգիս Մնացականյանը, ով հանրության շրջանում առավել հայտնի է, որպես խրոնիկ հարբեցող ու թանկ նվերների սիրահար, որոշել է դառնալ կոռուպցիոն գործերով դատավոր, բայց՝ կտրվել է: Դատախազության համակարգում ծաղրի առարկա է դարձել Արդարադատության երրորդ դասի պետական խորհրդական (գեներալ-մայոր) Սարգիս Մնացականյանը՝ տասնամյակներ դատախազության համակարգում աշխատած ու բարձր պաշտոններ զբաղեցրած դատախազը տապալվել է բանավոր քննության ժամանակ:
Ի դեպ, Արմավիրի դատախազության մեր աղբյուրների փոխանցմամբ, Մնացականյանի դատավոր դառնալու ճանապարհից դուրս մնալը խիստ մտահոգել է մարզի դատախազներին՝ նրանք հույս ունեին, որ վերջապես ազատվելու են  խմիչքի ազդեցության տակ որոշումներ կայացնող վերադասից:
Նշենք, որ, մինչեւ Արմավիրում նշանակվելը, Սարգիս Մնացականյանը եղել է Արագածոտնի մարզի դատախազ, որտեղ շատ աշխատակիցներ համակարգից ազատվելու դիմումներ են գրել՝ հրաժարվելով Մացականյանի ղեկավարությամբ աշխատելուց, նույն պատճառաբանությամբ: