Գործող իշխանությունը սպառնալիք է մեր պետության գոյության նպատակի համար և ենթակա է փոփոխման

Փաստաբան Ալեքսանդր Կոչումբաեւն իր ֆեյսբուքյան էջում, քաղաքացիների եւ լրագրողների նկատմամբ ոստիկանության բիրտ գործողություններին անդադառնալով, գրել է.

«Իշխանությունը մերժեց փոփոխվելու լեգիտիմ, սահմանադրական տարբերակը, ինչը ժողովրդի մոտ առաջացնում է անհրաժեշտ պաշտպանության վիճակ և իրավիճակից բխող բոլոր գործողություններն արդարացված են։
Այս ամենը դառնում է մտահոգիչ և վտանգավոր։ Մեկ մարդու տեղաշարժի, խաղաղ հավաքի դեմ պայքարելու համար այսքան ոստիկանական ուժերի գեներացումը մեզ մոտեցնում է ավտորիտարության բարձրակետին։
Ծավալները պատկերացնելու համար ասեմ, որ Ն․Փ․-ի տեղաշարժն ապահովելու, խաղաղ հավաքների դեմ պայքարելու գործում ներդրված են ոստիկանության զորքերի, տարածքային բաժինների ծառայողները, օպերատիվ բլոկն ամբողջ ծավալով, անգամ կալանավոված և ձերբակալված անձանց ուղեկցող գումարտակը տեղափոխվել է ծառայության Երևանի փողոցներ։
Մարդիկ իրացնում են այլասերված իշխանության դեմ ապստամբելու իրավունքը, որը բխում է մարդու իրավունքներին վերաբերող միջազգային հեղինակավոր փաստաթղթերից, իսկ դրա կանխման փորձերը դատապարտելի են»։