Ի՞նչ դավադրություն է հյուսվում Սյունիքի շուրջ, ինչո՞ւ է լռում դավաճան Նիկոլը

Այսօր մամուլը գրեց, որ Ադրբեջանը հունվարի 15-ին, Հայաստանի դեմ միջպետական գանգատ է ներկայացրել ՄԻԵԴ: Դեռ նոյեմբերին էր ահազանգ հնչել այն մասին, որ ադրբեջանական կողմը խոսում է 50 մլրդ դոլարի փոխհատուցման մասին, որը Հայաստանի համար աստղաբաշխական թիվ է: Ավելին, Մարդու իրավունքների միջազգային կոմիտեի Ադրբեջանի ներկայացուցիչ Կոչին Ահունդզադեն նույնիսկ առաջարկ էր հնչեցրել, թե այդ գումարի դիմաց հայկական կողմը կարող է տալ Զանգեզուրը։ Ավելին, թուրքական հեռուստաընկերությամբ դեռ դեկտեմբերի 8-ին էր նման բովանդակությամբ տեսանյութ հրապարակվել՝ կրկին պահանջելով Զանգեզուրը՝ գումարի դիմաց:
Ուշագրավ է, որ մինչ մամուլը և տարբեր գործիչներ բարձրաձայնում էին Ադրբեջանի կողմից նման քայլեր անելու հնարավորության մասին, Նիկոլի իշխանությունը ոչինչ չէր անում դրա դեմն առնելու համար: Այսպիսով, ինչպես պատերազմին չէր պատրաստվում Նիկոլի իշխանությունը, երբ դեռ հունիսին ՀՀ ԶՈւ գլխավոր շտաբի պետ Օնիկ Գասպարյանը զեկուցել էր, որ լայնամասշտաբ պատերազմ է սպասվում՝ Թուրքիայի ներգրավմամբ, Նիկոլի իշխանությունը չի պատրաստվում Ադրբեջանի իրավական հարձակումներից պաշտպանել մեր երկիրը: Սա ևս մեկ ապացույց է, որ քանի դեռ Նիկոլը չի հեռացել միշտ հայկական կողմը տուժելու է:

Աղբյուրը՝ Paradox Media