Ինչու՞ էկոնոմիկայի նախարարը չի բացահայտում ներդրողներին

Հայաստանի էկոնոմիկայի նախարար Վահան Քերոբյանը հայտարարել է."Մենք ունենք բազմամիլիարդ ներդրումային ծրագրեր, որտեղ կա և ինվեստորը, և պրոյեկտը: Հիմա մեր գերխնդիրը այդ պրոյեկտները հնարավորինս արագ շուկա լցնելն է: Այստեղ մենք ստանձնում ենք առաջին ջութակի դերը՝ օգնել բոլոր ներդրողներին իրենց պրոյեկտները հասցնել շուկա"...
2,7 տարի է ունկդրում ենք դավաճան Նիկոլի և նրա կառավարության անդամների գրեթե նույնաբովանդակ կենացները... Հատկապես՝ ներդրումների առումով... 
Ստախոս Նիկոլն այս 2,7 տարվա մեջ մասնակցեց բազմաթիվ ֆեյք-գործարանների բացմանը, որոնք նրա կողմից հանդիսավոր բացվելուց հետո այդպես էլ չաշխատեցին... Օրինակ՝ կենցաղային տեխնիկայի, Վանաձորի մեքենաների գազաբալոնների, իրանական մեքենաների հավաքման գործարանները և այլն... 
Այդպես էլ խոստումների մակարդակում մնացին կոկորդիլոսաբուծարանի, Գյումրիում օդային տրամվայի և ինքնաթիռաշինական գործարանի, 15 միլիարդ դոլարանոց " խելացի քաղաքի" և այլ ֆանտասմագորիկ պրոյեկտներ, որոնք, ըստ նորմալ մասնագետների, ի սկզբանե անիրականանալի պրոեկտներ են եղել... 
Հաշվի առնելով կորոնավիրուը և արցախյան վերջին պատերազմը կարելի է ասել, որ մեր տնտեսությունն էլ ավելի ծանր վիճակում է և կտրուկ միջոցներ ձեռք չառնելու դեպքում մեր խնդիրներն էլ ավելի են խորանալու...
Շատ լավ գիտենալով, որ այս իրավիճակում օտարերկրյա ներդրողների մասին խոսելն ավելորդ է, քանի որ ՌԴ-ի հարուստ հայերը հաշվի առնելով իրենց հակակրանքը ազգադավ տականքի նկատմամբ ներդրումներ չեն անի, իսկ այլ տեղերից ներդրումներ սպասելը, հաշվի առնելով, որ Հայաստանը պարտված երկիր է ուղղակի ֆանտաստիկայի ժանրից է, նախարարը ակնարկում է, որ տեղական նեդրողներին մոռացել են... 
Հետաքրքիր է, Վահան Քերոբյանը խոսելով բազմամիլիարդանոց ներդրումների մասին, նախ, ինչ տարադրամով է այդ ներդրումները ներկայացնում՝ դրամ, դոլար, ռուբլի, թե՞... և ինչու՞ կոնկրետ ներդրողների անուններ չի տալիս... Իսկ այսպես, ստացվում է ինչ-որ "թոզփչոցի"՝ կեղծ խոստումներ և սուտ, ինչով արդեն 2,7 տարի է Նիկոլը կերակրում է հասարակությանը...
Ի՞սկ կարող է այս նախախան է Նիկոլի ասած կախարդական փայտիկը...

Գագիկ Համբարյան