«Լեռնային Ղարաբաղի կարգավիճակի համար հարկ կլինեն հավելյալ բանակցություններ» Վ.Մատվիենկո

«Լեռնային Ղարաբաղի կարգավիճակը որոշելու համար Ռուսաստանը հույս ունի, որ միջազգային ջանքեր կգործադրվեն»,- հայտարարել է Ռուսաստանի Դաշնային խորհրդի նախագահ Վալենտինա Մատվիենկոն։ 
«Լեռնային Ղարաբաղի կարգավիճակի համար հարկ կլինեն հավելյալ բանակցություններ։ Մենք անխոս հույս ունենք ԵԱՀԿ ջանքերի, Ֆրանսիայի նախագահի, ԱՄՆ նախագահի եւ այլ պետությունների ղեկավարների ջանքերի գործադրման, ովքեր ներգրավված են Ղարաբաղյան կարգավորման գործընթացում»։
Մատվիենկոն ասել է, որ ռուսական կողմը կանխել է հակամարտության հետագա էսկալացիան, մարդկային հետագա զոհերը։ «Դա չափազանց բարդ համաձայնություն էր, որին հնարավոր եղավ հասնել ոչ դյուրությամբ։ Այսօր հենց ռուս խաղաղապահներն են, որ հակամարտության գոտում ապահովում են համաձայնության կատարումը, թույլ չեն տալիս խախտումներ վերջինիս դրույթների եւ թույլ չեն տալիս, որ լինի վերադարձ ռազմական բախումների, նպաստում են խաղաղ կյանքի վերականգնմանը»,- հավելել է ՌԴ ԴԽ ղեկավարը։