Ինչու՞ միանալ Նիկոլ Փաշինյանի հրաժարականի պահանջին. «Մի՞թե ճշմարտախոսությունը արատ է»-, զարմանում են ազատանցիները

11/12/2020 11:26
Ինչու՞ միանալ Նիկոլ Փաշինյանի հրաժարականի պահանջին. «Մի՞թե ճշմարտախոսությունը արատ է»-, զարմանում են ազատանցիները


Օրերս, երբ Շիրակի մարզի Ազատան համայնքի ղեկավար՝ Վարդան Իկիլիկյանը ՀՀ մի շարք համայնքի ղեկավարների հետ միացավ վարչապետի հրաժարականի պահանջին, համայնքում, Նիկոլ Փաշինյանի աջակիցներից մի քանի հոգի ընդդիմացան համայնքապետի որոշմանը։

Այս երեւույթը համայնքի ղեկավարը նորմալ է ընդունում, ասելով, որ ազատանցիները նույնպես. 2018թ-ին մեկ մարդու նման մասնակցել են «թավշյա հեղափոխությանը» հանուն մեր երկրի զարգացման։  Վ․ Իկիլիկյանը 2008թ-ից ղեկավարում է Ազատան համայնքը եւ նորություն չենք ասի, եթե նշենք, որ իր կառավարման տարիների ընթացքում բազմաթիվ ծրագրեր է իրականացրել համայնքում։

Ինչպես համայնքաբնակներն են ներկայացնում. «Վ․ Իկիլիկյանը ունի մաքուր աշխատանքային անցյալ, համայնքի ղեկավար, ով վարչապետի հրաժարականի պահանջով, իր մտահոգությունն է հայտնում, որ ստեղծված ներքաղաքական լարված  մթնոլորտի շարունակության դեպքում կկորցնենք մեր պետականությունը։ Անհանգստացած է, որ վաղը չի գործի գյուղի մանկապարտեզը, կմեռնի մշակութային կյանքը, դպրությունն ու բնականոն կյանքի ընթացքը, որի համար տարիների աշխատանք ու խնամք է եղել։ Մի՞թե ճշմարտախոսությունը արատ է»-, ասում են ազատանցիներից շատերը, ովքեր անակնկալի չեն եկել համայնքապետի հայտարարությունից, քանի, որ նախկին իշխանությունների ժամանակ էլ  Վ․ Իկիլիկյանը մշտապես բարձրաձայնել է երկրում տիրող անարդարությունների մասին, որոնք պետք է շտկվեն ի շահ մեր պետության եւ ազգի։
Մանրամասները՝ տեսանյութում:

Լրահոս