Բողոքի ակցիայի մասնակցին վրաերթի ենթարկելու դեպքով քրեական գործի հարուցումը մերժվել է

02/12/2020 18:07
Բողոքի ակցիայի մասնակցին վրաերթի ենթարկելու դեպքով քրեական գործի հարուցումը մերժվել է

Նոյեմբերի 19-ին Ամիրյան փողոցում տեղի ունեցած բողոքի ակցիայի մասնակիցներից մեկին վրաերթի ենթարկելու դեպքի առթիվ նախապատրաստված նյութերով քրեական գործի հարուցումը մերժվել է` ՀՀ քրեական դատավարության օրենսգրքի 35-րդ հոդվածի 1-ին մասի 4-րդ կետի հիմքով։ Խոսքն օրենսգրքով նախատեսված այն դեպքերի մասին է, երբ քրեական գործ չի կարող հարուցվել, եթե բացակայում է դիմողի բողոքը։
Հիշեցնենք՝ նոյեմբերի 19-ին «Հայ հեղափոխական դաշնակցություն»-ը վարչապետի հրաժարականի պահանջով բողոքի ակցիաներ էր կազմակերպել Երեւանի տարբեր հատվածներում։ Դրանցից մեկի ժամանակ արտակարգ դեպք էր տեղի ունեցել` 88 FU 988 համարանիշով մեքենայի վարորդը, ընդդիմանալով փողոցը փակած քաղաքացիների պատնեշին, համառորեն վարել էր նրանց ուղղությամբ, վրաերթի ենթարկել մասնակիցներից մեկին։