Կեղծ տվյալնե՞ր զինկոմին

Տաշիրի տարածաշրջանի Մեծավան համայնքից բնակիչները տեղեկացնում են, որ համայնքի  ժամանակավոր պաշտոնակատար՝ Արման Վարդանյանը պատերազմական  այս դժնդակ օրերին եւս «փայլել» է իր ագահությամբ։ Ըստ տեղացիների, արագ հարստանալու մոլուցքով տարված Ա․ Վարդանյանը որոշել է հաճոյանալ ՌԴ-ում ապրող իր հայրենակիցներին՝ ակնկալելով նրանց ողորմությունը, սակայն պատի է հանդիպել:
-Զինկոմիսարյատներից եկած պավեսկեքը, որ եկել է, Արման Վարդանյանը զինվորագրվողներից ում անունի դիմաց ուզել է` գրել է ՌԴ-ում է, որ չգնան Ղարաբաղ,- պատմում է մեծավանցի կինը-, Հետո էլ զանգել է նրանց Ռուսաստանում ապրող բարեկամներին ասել է, ես էդպես եմ արել, որ  չտանեին կռիվ։ Նրանք էլ ասել են քեզ ո՞վ է խնդրել, որ էդպես անես, թող գնային կռվեին բա ամոթ չի՞:
Բնակիչների փոխանցմամբ, երբ տեղացիները Մեծավանի ԺՊ-ին ասել են, թե ինչու ինքը ջոկատ չի հավաքում առաջնագիծ մեկնելու համար, վերջինս դժգոհելով մարզպետ Անդրեյ Ղուկասյանից ասել է՝ «ինձ բերել քցել են էստեղ ու մոռացել, էս ո՞ւմ կարամ ասեմ եկեք գնանք թուրքի դեմ կռվենք»։