Իսկ սոցապի տգետ նախարարը շարունակում է ստատուսներ գրելու համար պրեմիաներ ստանալ

«Երեկ առավոտից զբաղած եմ արցախցի 2 ընտանիք տեղավորելու գործով: Վստահաբար կարող եմ պնդել՝ Արցախից տեղահանված հազարավոր մեր հայրենակիցների հոգսը ոչ մի պետական կառույց չի հոգում: Ոչ մի:
Ամբողջ բեռը մնացել է գործարարների ու մասնավոր քաղաքացիների ուսերին: Պետություն չկա, 0 է:
Տաշիրի Սամվել, Արթուր Ջանիբեկյան, Ծառուկյան, Վանեցյան, Նեմեց Ռուբո, Դերժավայի Արկադի, Ավշարի Արայիկ և այսպիսի մարդիկ են զբաղված արցախցի մեր քույրերին ու բալիկներին դեղերով, տանիքով ու սնունդով ապահովելու գործով: Թվարկածս մարդկանցից յուրքանչյուրը 500 և ավելի արցախցու հոգս է իր վրա վերցրել և սա անում են լուռ՝ առանց սելֆիների, գովազդի:
Հարգանքներս ձեզ, պարոնայք:
Հ.Գ. Իսկ սոցապի տգետ նախարարը շարունակում է ստատուսներ գրելու համար պրեմիաներ ստանալ՝ անգամ պատերազմի այս ծանր օրերին: Այսօր նույնիսկ զանգերին պատասխանող չկար»,-Ֆեյսբուքյան իր էջում գրում է Հասմիկ Մանուկյանը: