Ադրբեջանը մեծաքանակ ուժերով փորձում է ներխուժել Հադրութ

12/10/2020 11:55
Ադրբեջանը մեծաքանակ ուժերով փորձում է ներխուժել Հադրութ

Հադրութի հատվածում լայնածավալ մարտական գործողությունները շարունակվում են: Այս մասին տեղեկացնում է Արցախի Հանրապետության նախագահի մամուլի քարտուղար Վահրամ Պողոսյանը: «Թշնամին, մեծաքանակ ուժեր կենտրոնացրելով այդ ուղղությամբ, ամեն կերպ փորձում է ներխուժել քաղաք: Պաշտպանության բանակը ամեն թիզ հողի համար ծանր մարտեր է մղում»,հայտնել է Պողոսյանը:
Արցախի ՊՆ-ն տեղեկացրել էր, որ ՊԲ ստորաբաժանումները ռազմաճակատի ամբողջ երկարությամբ շարունակում են վստահորեն կատարել առաջադրված մարտական խնդիրները: ՊԲ ստորաբաժանումները միևնույն ժամանակ հաջողությամբ կասեցնում են հումանիտար հրադադարի ռեժիմին չհետևող ադրբեջանական զինուժի հարձակողական գործողությունների փորձերը: Օպերատիվ իրադրությունը գտնվում է ՊԲ լիարժեք վերահսկողության ներքո: