Սկանդալ. ՔՊ-ական տնօրենն անհիմն ազատել է ախատանքից պրոֆեսիոնալ կադրին

Այսօր, Արարատի տարածաշրջանի բնակչության շրջանում  բողոքի նոր ճակատ  բացվեց: Մարզպետարանի մեր լրատուն, քիչ առաջ հայտնեց, որ ժամեր առաջ, Մասիսի ԲԿ-ի ՔՊ-ական տնօրեն` Հայկ Հովհաննիսյանն առանց հիմնավոր պատճառի աշխատանքից ազատել է ՀՀ  հանրահայտ, երեսուն  տարվա բժիշկ-գինեկոլոգ Մհեր Ենգիբարյանին` տեղի տալով զանգվածային դժգոհությունների:
Ըստ լրատուի, այս փաստից բորբոքվել են կրքերն Արարատի մարզում:
-Ուշագրավ է, որ մինչ Հայկ Հովհաննիսյանի նշանակումը,Մհեր Ենգիբարյանի արդյունավետ աշխատանքի և  հմուտ կառավարման  շնորհիվ, միայն վճարովի ծառայություններից և պետ պատվերներից  50 մլն  դրամ է  հոսել Մասիս ԲԿ-ի գանձարան,-պատմում է մեր լրատուն,-Մասիսի ԲԿ-ի նորածինների բաժանմունքում, Մհեր Ենգիբարյանի օրոք, թվով մոտ 1500 երեխաներ էին ծնվում, իսկ այսօր, այդ թիվը նվազելով հասել է քսանհինգի, սա արդեն աղետ է մեր պետության անվտանգությանը: Գինեկոլոգը, պարբերեբար, տնօրենից պահանջել է վճարել երեք-չորս ամսվա չվճարված աշխատավարձերը:Ակնհայտորեն, այս փաստերը դուր չեն եկել ՔՊ-ական ապաշնորհ տնօրենին, ով խանդի հողի վրա կատարել է բառիս բուն իմաստով հանցագործություն` ազատվելով  ամենապրոֆեսիոնալ կադրին` Մհեր Ենգիբարյանին: Արտաշատի ԲԿ-ն կորոնավիրուսային կենտրոն է վերածվել,գինեկոլոգ` Մհեր Ենգիբարյանն էլ հրաժարվում է հիվանդներին ընդունել, որոնք ստիպված դիմում են Երևանի ԲԿ-ներին-ասաց մարզպետարանի մեր լրատուն:
 Արարատի մեր մյուս աղբյուրն էլ տեղեկացրեց մեր կայքին, որ Մհեր Ենգիբարյանին աշխատանքից  ազատումը  հիմնավորելու համար, տնօրեն` Հայկ Հովհաննիսյանը դիմել է ստոր ու զազրելի միջոցի: Իր բուժ գծով տեղակալ Արմեն Սահակյանին խոստանալով պոլիկլինիկայի տուբերկոլոզի բժշկի պաշտոնը, եթե վերջինս մի քանի զեկուցագրեր իրար ետևից ներկայացնի Մհեր Ենգիբարյանի դեմ:Նույն աղբյուրը հիշեցնում է, որ Արմեն Սահակյանը նախկինում, որպես տուբերկոլոզի բժիշկ  հեռացվել է  համակարգից և  տաքսի վարել:
-ՀՀ վարչապետ Նիկոլ Փաշինյանը տեղյա ՞կ է, թե իր կադրերը ինչ ավերվածություններ են անում մարզերում,-հռետորական հարցադրում է անում մեր աղբյուրը:Մհեր Ենգիբարյանին ազատելով աշխատանքից, անփորձ ՔՊ-ական տնօրենը կպել է Արարատի նյարդին:
Հ.Գ. Հոդվածը պատրաստ էր տպագրությանը, երբ ստացանք բազմաթիվ հեռախոսազանգեր մարզի զայրացած բնակիչներից, որոնք հարցնում էին.
- Ու ՞մ դիմենք հիմա, ի ՞նչ անենք մեր հղիների հետ, մեր ապագա  երեխաների հետ այս ի ՞նչ խաղ են խաղում  լակոտ իշխանությունները, էս ինչ զուլում բերին մեր գլխին:Պահանջում ենք մեր սիրված բժշկի` Մհեր Ենգիբարյանի վերադարձը,-ասում էին մեզ զանգահարողները:
Անի Մադոյան