Պատժվում են՝ սեւերը... սպիտակները` խրախճանքի մեջ են ( Տեսանյութ )

Հասարակությանը սեւերի ու սպիտակների բաժանած, փողոցում իշխանության կարգված քայլածները, պարզվում է COVID-ի շրջանակներում էլ են օրինախախտներին սեւերի ու սպիտակների բաժանում: Մասնավորապես, Նիկոլի հայտարարած արտակարգ դրության պայմաններում, դպրոցների տարեվերջյան միջոցառումների համար պատժվում են միայն «սեւ» տնօրեններն ու մանկավարժները: Շիրակի մարզի մեր ընթերցողներից մեկը, մեր կայքի էլեկտրոնային փոստին ուղարկել է նկարներ, որտեղ երեւում է, թե ինչպես են Գյումրու թիվ 37 ավագ դպրոցի տնօրենն ու մանկավարժները տոնում Վերջին զանգը, այս մասին քաղաքացին բարձրաձայնել է` լուսանկարներն ուղարկել ԿԳՆ սուպեր նախարարին` Արայիկ Հարությունյանին, սակայն դիմումը մնացել է «անպատասխան», քանի որ դպրոցի նորանշանակ տնօրենը` Հովհաննես Մելքոնյանը քայլողների քիմքին դուրալի է:

 Ստորեւ ներկայացնում ենք քաղաքացու նամակն առանց խմբագրման.

«Բարև Ձեզ:Ձեզ եմ տրամադրում Գյումրու թիվ 37 ավագ դպրոցի մայիսի 26ից մինչ այսօր իրականացվող բոլոր միջոցառումներից կադրեր:Միջոցառմանը մասնակցել են 2 դասարանների դասղեկներ՝Ժաննա Մանուկյանը/12բ/ և Անահիտ Թամազյանը/12ա/,դպրոցի տնօրենը,կազմակերպչական գծով տեղակալը:Բացի դպրոցում կատարված փոքրիկ միջոցառումից,հավաքույթներ տեղի են ունեցել նաև ռեստորանային համալիրներում՝ 12բ-23,05,20, 12ա-04,06,20:Նշեմ նաև,որ մինչ ատեստատների հանձնումը կատարվել է նաև վինետկաների համար նկարահանումներ Գորկու այգում և Ռուստավելի փողոցում:Բոլոր կադրերը ուղարկվել են նաև ԿԳՄՍ նախարարություն,սակայն մնացել են անպատասխան և չեն արժանացել ուշադրության և հենց այդ հանգամանքից օգտվելով՝տնօրեն Հ, Մելքոնյանը պարծենում է իր << մեջքով >>:»

Հ.Գ. երկրորդ կողմի մեկնաբանությունը լսելու համար դիմեցինք տնօրեն Հ. Մելքոնյանին, վերջինս պատասխանեց.

-Տեղյակ են նախարարությունում, չկա նման բան...,- փորձեց հերքել տնօրենը, այնինչ փաստերն ավելի խոսուն են, եւ առաջինը խոսում են այն մասին, որ քայլող անարխիան օր-օրի ավելի վտանգավոր է դառնում...