Իշխանություններն անհաղորդ են՝ օրավարձով ապրող թոշակառուները մնացել են հացի ու ջրի հույսին

30/03/2020 12:31
Իշխանություններն անհաղորդ են՝ օրավարձով ապրող թոշակառուները մնացել են հացի ու ջրի հույսին

 Արարատի մարզի, Արտաշատ քաղաքի բնակչուհի՝ 69-ամյա Գոհարիկ Հակոբյանը դիմել է խմբագրություն՝ հավատալով, որ իր խնդիրը բարձրաձայնվելուց հետո լուծում կստանա: Տիկինը տեղեկացնում է, որ արտակարգ դրության եւ սահմանափակումների այս օրերին սնվում է միայն ջրով եւ մի կտոր հացով։ Թոշակառու Գոհարիկ Հակոբյանը օրավարձով աշխատող է, ունի առողջական խնդիրներ, սոցօգնություն ստանալու համար հունվար ամսին նամակ-խնդրանքով դիմել է մարզպետ Գարիկ Սարգսյանին, սակայն մինչ օրս պատասխան չի ստացել։
-Ոտքս վիրահատելու համար բանկից փող եմ վերցրել ու տոկոս եմ վճարում ամեն ամիս։ Թոշակս ընդհամենը 30 հազար դրամ է, ստանում եմ ու վճարում բանկին, գոնե մի քիչ օգնեն ապրեմ, հատկապես էս կարանտինի ժամանակ։ Ես ջրով եմ ապրում կամ մի կտոր հացով։ Էս տարիքիս գնում եմ դաշտերը օրավարձով աշխատում եմ, հիմա էլ այդ աշխատանքն էլ չկա։ Ամուսինս հաշմանդամ ազատամարտիկ է, թողել է ինձ գնացել, երեք երեխաներիս միայնակ եմ մեծացրել, իրենք էլ Երեւանում վարձով են ապրում, չեն կարող ինձ օգնել, մենակ չգիտեմ ի՞նչ անեմ։ Քանի անգամ գնացել եմ մարզպետարան, ասել են՝ սպասի կլինի, բայց ե՞րբ կլինի....-հուսահատ պատմեց Գ․ Հակոբյանը։

Հերմինե Մանուկյան