Արձագանք. Մտել է ՀՀ ՊՆ աշխատանքի՝ որդուն ազատելու համա՞ր

24/03/2020 14:36
Արձագանք. Մտել է  ՀՀ ՊՆ աշխատանքի՝  որդուն ազատելու համա՞ր

Օրերս, Արարատի մարզի Գեղանիստի բնակիչների խնդրանքով, անդրադարձել էինք իրավապաշտպան ներկայացող Սամվել Գաբրիելյանի խարդախ գործունեությանը: Այսպիսի բնութագրում էին տվել նրա կողմից խաբված  ու քցված մի քանի գեղանիստցիներ: Այսօր, խմբագրությունն արձագանք ստացավ նաև ՊՆ մի աշխատակցից, ով ներկայացավ որպես հավատարիմ ընթերցող և  հաստատեց մեր գրածի իսկությունը՝ պատմելով, որ Սամվել Գաբրիելյանը Գեղանիստի բնակիչ չէ, այլ՝ գրանցված է Հ/Ա-թաղամասի մեկի շենքում: Առանձնատուն է գնել Գեղանիստ համայնքում, այն վերածելով անվճար իրավաբանական  խորհրդատվական ծառայության: Ըստ ՊՆ աշխատակցի, Սամվել Գաբրիելյանը ՊՆ  է աշխատանքի ընդունվել՝ որդուն հայոց բանակից ազատելու համար, ինչն էլ արել է:

Հ.Գ. Հիշեցնենք, որ Գեղանիստի մի խումբ բնակիչներ,  խնդրել ու հրավիրել էին մեզ համայնք՝ ցույց տալով Սամվել Գաբրիելյանի որջը որտեղ միամիտ գեղանիստցիներին կլպում ու թալանում է խորամանկ իրավապաշտպանը՝ իրավական թղթաբանություններ պատրաստելով նրանց համար, որոնք մնում են այդպես էլ թղթերի վրա:Արդյունքում բնակիչները կորցնում են «տաքսի»՝ 1000 ԱՄՆ դոլարը:
Անի Մադոյան