Մարզերում ՃՈ չի՞ գործում

Շիրակի մարզի Արթիկի տարածաշրջանի բնակիչները դիմելով Hzham.am տեղեկացնում են, որ  մարզի ճանապարհային ոստիկանությունը թերանում է իր աշխատանքային  ծառայությունը պատշաճ իրականացնելու մասով։

Ըստ տեղացիների, միջմարզային եւ միջհամայնքային ճանապարհներին ավտոմեքենաների վարորդները մեծ արագությամբ են վարում մեքենաները, դրանք կայանում են ոչ սահմանված վայրերում, ճանապարհներին ամենաթողություն է։
-Ժամը 5-ից հետո գայիշնիկ չեք տեսնի ճանապարհներին։ Ով ոնց ուզում քշում է, ոչ մեկը չի վախենում ու չի մտածում, որ բնակավայրերի մարդիկ, կամ անչափահաս երեխաներն են անցնում ճանապարհներով։ Գիշերները եկեք տեսեք ինչ է կատարվում ճանապարհներին։ Էդ բալային համակարգը, որ օրենք ընդունեցին նեուժելի՞ մարզերին չի վերաբերվում, թե՞ մենակ Երեւանի համար էր։ Դեմքով թեքվեք մարզեր պարոն բարձրաստիճան ոստիկաններ, տեսեք ինչպես են քամի անող ու դուխով կարգազանց վարորդները ցերեկով ու գիշերով արհամարհում ձեր բալային օրենքը,-դժգոհում են մեր զրուցակիցները։