Փորձում է կաշառե՞լ դատավորին

13/08/2019 21:35
Փորձում է կաշառե՞լ դատավորին


Սևանի ընդհանուր իրավասությունների առաջին  ատյանի դատարանում, դատավոր՝ Դավիթ Սարգսյանի նախագահությամբ, օգոստոսի 21-ին տեղի կունենա հերթական դատական նիստը, որտեղ քննվելու  է Սարուխան համայնքապետի դեմ հարուցված քր. գործը: Տեղեկացնենք, որ քր. գործը 20 մլն դրամին է վերաբերվում, որը ըստ նախաքննության մարմնի, յուրացրել է Լյովա Աբրահամյանը՝ մեղքը գցելով Սարուխանի նախկին, վաղամեռիկ համայնքապետ՝ Հովհաննես Չիչոյանի վրա:
Սևանի մեր աղբյուրների հավաստմամբ,Գեղարքունիքի մարզի Սարուխանի համայնքապետ Լյովա Աբրահամյանը ջանքեր է գործադրել կաշառել դատավորին՝ դատական վճիռը հօգուտ իրեն որոշելու համար:
Ըստ նույն աղբյուրի, դատավոր Դավիթ Սարգսյանն առայժմ կամ ու կացի մեջ է:
Հիշեցնենք մեր ընթերցողներին, որ ամիսներ առաջ գրել էինք, որ Գավառի  ընդհանուր իրավասությունների առաջին ատյանի դատարանի դատավոր Յուրա Իսկոյանը քավոր-սանիկական հարաբերությունների մեջ է Լյովա Աբրահամյանի հետ: Մեր հրապարակումից  անմիջապես հետո դատավորն  ինքնաբացարկ հայտնեց և քրգործը վերամակագրվեց  դատավոր Դավիթ Սարգսյանին:
Նարինե Հասրաթյան