Ազատվել է

27/07/2018 17:09
Ազատվել է

Արա Մինասյանը ազատվել է «Սուրբ Գրիգոր Լուսավորիչ» բժշկական կենտրոնի տնօրենի պաշտոնից: Այս մասին Ֆեյսբուքում գրել է Հայաստանի առողջապահության նախարար Արսեն Թորոսյանը:

«Սուրբ Գրիգոր Լուսավորիչ ԲԿ ՓԲԸ տնօրենը ազատվել է աշխատանքից՝ հաշվի առնելով ՀՀ ԱՆ ուսումնասիրության արդյունքում հայտնաբերված խախտումների ահռելի ծավալը և դրանց մինչ օրս կրկնվող բնույթը։ Նոր տնօրենի մրցույթը տեղի կունենա օրենքով սահմանված կարգով, ինչի մասին լրացուցիչ կտեղեկացնենք։ Մանրամասները հաջորդիվ», - գրել է նախարարը:

Այսօր ավելի վաղ առողջապահության նախարարությունը հաղորդագրություն էր տարածել, ըստ որի՝ «Սուրբ Գրիգոր Լուսավորիչ» բ/կ-ում գերատեսչության ուսումնասիրությունների արդյունքներով՝ պետությանը հասցվել է 545 միլիոն դրամի վնաս: