«Մեյմանդար»-ը թելադրում է մրցակցություն՝ տնտեսական շուկայում

17/07/2018 22:17
«Մեյմանդար»-ը   թելադրում է մրցակցություն՝ տնտեսական շուկայում

Արարատի մարզի Հովտաշատ համայնքի վարչական տարածքում գտնվող՝ 6 հա տարածություն գրավող «Մեյմանդարի» բնամթերքի մեծածախ շուկան, տարեց-տարի սեփական ներդրումների հաշվին ընդլայնում ու արդիական է դարձնում շուկան: Այն այսօր, կարող է ոտք մեկնել եվրոպական զարգացած  երկրների բնամթերքների շուկաների հետ:

Այս դիտարկման պատկերում, Հայաստանում «Մեյմանդար»-ը  թելադրում է մրցակցություն՝ տնտեսական շուկայում:

Տես՝ Տեսանյութը:

Այստեղ այցելում են հարևան երկրների՝ Իրանի, Վրաստանի ու հարակից այլ հարևան պետության վերավաճառողներ: Շուրջ 24 ժամյա աշխատող վաճառողների և գնորդների համար «Մեյմանդար»-ի տնօրինությունը  հարմարավետ ու ժամանակակից պայմաններ է ստեղծել: Մաքրությունն ու կոկիկությունն աչք է շոյում:

Շուկայում գործում է անվճար  ավտոկայանատեղի, խաչաձև ճանապարհները 3 տակ ասֆալտապատված են՝ սպիտակ գծանշաններն անցկացված, գործում են  վերանորոգված պետքարաններ՝ 24 ժամյա ջրի գրաֆիկով:

Շուկայում  առկա է ճաշարան, իր ճաշատեսակներով, աղցաններով ու զովացուցիչ ըմպելիքներով ու հացի փռով: Շեշտենք, որ «Մեյմանդար»-ի շուկան տարածաշրջանում միակն է, որը կառուցված է արդիական չափորոշիչներին համապատասխան:

Տնօրեն Արթուր Մարտիրոսյանի խոսքերով.

-Նախապատրաստվում ենք անվճար բուժ կետ բացել, որտեղ առաջին բուժ օգնությունը կստանան վաճառողները, գուցե և գնորդները: Անելիքները դեռևս առջևում են: Արվում է ամեն ինչ վաճառող-գնորդ տանդեմի համար, ի վերջո սա 21-րդ դարն է, ստեղծել ենք բարեկեցիկ ու հարմարավետ պայմաններ մեր աշխատակիցների համար, ովքեր 24 ժամ անցկացնում են շուկայում: Ամենուրեք տեղադրված են աղբարկղներ, մաքրության խնդիրը մեզ մոտ առաջնայինն է ու կարևորը:

Մեզ հետ մասնավոր զրույցներում, տարբեր մարզերից եկած վերավաճառողները մեզ հավաստիացնում էին, որ այս շուկան իրենց ու հողի մշակների համար իսկական փրկությունն է: Նրանք օրհնանքի խոսքեր էին շռայլում տնօրինության հասցեին, նման շուկա ստեղծելու համար: Նրանք հիշեցրեցին մեզ, թե ինչպես էին նախկինում հասնում մայրաքաղաքի շուկաներ՝ անմխիթար ու անբարենպաստ պայմաններում առեւտուր անում եւ այլն:


Առևտրի կենտրոնում ականատեսը եղանք  բազմաթիվ տաղավարների, որոնց կոկիկ կառուցված  կտուրները պաշտպանում են մարդկանց կիզիչ արևից ու անձրևներից: Բազմաթիվ էին նաև ծածկված տաղավարները, որոնց հարմարավետ ցուցափեղկերին դարսված էին պտուղ բանջարեղեններն ու մրգերը: Փորձեցինք նմուշի համար մեկ թերություն գտնել՝ չստացվեց: Տիրոջ աչքն այստեղ ամենուր է եղել:

Հ.Գ. Երկրում այնքան բացթողումներ կան, որ քննադատություններից աչք չի բացում լրագրողը, սակայն այս թեման բացառիկ էր իր տեսակի մեջ ու նաև հուսադրող: Փաստորեն, եթե բարի կամք դրսևորվի,կստացվի լավ ու անթերի աշխատանք, որից շահում է, թե՛ պետությունը և թե՛ հասարակությունը, ժողովրդի կողմից անվանակոչված՝ «Մեյմանդար»-ի շուկան ձեզ օրինակ: