Արամ Մանուկյան. «Չեմ փոշմանել, պայքարն ավարտված չէ»

08/06/2018 23:07
Այսօր դատավոր Արշակ Վարդանյանը բավարարեց ՊՊԾ գնդի գործով ամբաստանյալ Արամ Մանուկյանի խափանման միջոց կալանավորումը փոխելու վերաբերյալ միջնորդությունը, հիմք ընդունելով ԱԺ 9-ը պատգամավորների անձնական երաշխավորությամբ փոփոխելու միջնորդություն:

Դատարանի դահլիճից կալանքից ազատ արձակվելուց հետո լրագրողների հետ զրույցում Արամ Մանուկյանն ասաց, որ չի փոշմանել ՊՊԾ գնդի գործողությունների համար:


Հետագա անելիքների վերաբերյալ Արամ Մանուկյանն ասաց, որ բուժման կարիք ունի, բուժվելու է և ուսումը շարունակելու է Երևանի ճարտարապետաշինարարական համալսարանի տնտեսագիտության բաժնում:

Հարցին, թե ի՞նչ կասի ՊՊԾ գնդի գործողությունների հետ կապված, Արամ Մանուկյանն ասաց. «Չեմ փոշմանել, կար գաղափար, կար նպատակ, ես որ ասեմ փոշմանել եմ, սխալ կլինի: Իմ հիմնական քայլերի պատճառներից մեկն այն էր, որ ապրիլյան քառօրյային ինձնից տարիքով փոքր տղաներն են իրենց կյանքը տվել, կապիտան Ուրֆանյանին չենք մոռացել: Մեկը ես չէի կարող այդ ամենը մոռանալ, ուրանալ, ես էլ իմ պարտքն եմ համարել հայրենիքիս իմ սերը ցույց տալ»:

Արամ Մանուկյանն ասաց, որ պայքարն ավարտված չէ.«Սպասենք տղերքը բոլորը դուրս գան և ողջ հայությամբ՝ Արցախի, ՀՀ-ի և աշխարհի հայությամբ 400 հզր. քմ տարածքը հետ բերենք»: