Ես դրան շատ վատ եմ վերաբերվում. Փաշինյանը՝ Սասուն Միքայելյանի քայլի մասին

07/06/2018 23:23
Ես դրան շատ վատ եմ վերաբերվում. Փաշինյանը՝ Սասուն Միքայելյանի քայլի մասին

ՀՀ վարչապետ Նիկոլ Փաշինյանը տեղյակ չի եղել, որ իր կուսակից, «Ելք» խմբակցության պատգամավոր Սասուն Միքայելյանը անձնական երաշխավորություն է ներկայացրել քրեական հեղինակություն Ալիկ Բանդուրյանին (Նորատուսցի Ալիկ) ազատ արձակելու համար:


«Ես շատ վատ եմ վերաբերվում դրան, կարծում եմ՝ դա սխալ քայլ էր: ես այդ մասին ուղիղ եւ ազնիվ ասել եմ իմ ընկերոջը՝ Սասուն Միքայելյանին: Իմ ելույթից էլ պարզ դարձավ, որ ես այդ քայլին չեմ կարող դրական վերաբերվել»,-հայտարարեց Փաշինյանը:

Նշենք, որ ավելի վաղ Ազգային ժողովի 10 պատգամավորներ դատարան անձնական երաշխավորություն էին ներկայացրել քրեական հեղինակություն Ալիկ Բանդուրյանի (Նորատուսցի Ալիկ) համար: Երաշխավորագիրը ստորագրողներից մեկն ԱԺ «Ելք» խմբակցության պատգամավոր Սասուն Միքայելյանն է, մյուս 9 պատգամավորները «Ծառուկյան» խմբակցությունից են ՝ Արարատ Զուրաբյան, Արթուր Մանուկյան, Սերգեյ Բագրատյան, Վահան Հայրապետյան, Դավիթ Մանուկյան, Հրանտ Մադաթյան, Մերուժան Սիմոնյան, Տիգրան Ստեփանյան,

 

Արայիկ Աղաբաբյան: