Արձագանք. Աշակերտները կտարհանվեն Փարաքարի դպրոց

01/04/2018 04:40

Արմավիրի  մարզային իշխանություններն արձագանքում են  մեր կայքում հրապարակված՝  Հրատապ. Քանդվող դպրոցի շենք, ուր մկները «բուլկի են թռցնում» վերնագրով հոդվածին, տեղեկացնելով, որ Պտղունք դպրոցի աշակերտների  անվտանգությունից ելնելով՝ նրանք կտարհանվեն Փարաքարի միջնակարգ դպրոց՝ մինչ  հարցի հանգուցալուծումը: Հիշեցնենք, որ Պտղունք դպրոցի աշակերտների ծնողները ճարահատյալ դիմել էին մեր կայքին՝ խնդրելով վեր հանել քանդվող դպրոցի թեման իր մկներով հանդերձ, որը առնչվում էր իրենց երեխաների անվտանգությանը:

Հ.Գ  Խիստ մտահոգող է այս փաստը, որ եթե հանգուցալուծումը կար, ինչի՞ն էին  սպասում ՀՀԿ-ական մարզային իշխանությունները, թե՞ իրենց թերացման փաստը հանրության սեփականությունը դարձնելուց՝ զգուշանալով, նոր միայն ձեռնարկում են համապատասխան քայլեր:Իսկ եթե, Աստված մի արասցե, ողբերգություն տեղի ունենար, ո՞վ էր անփութության պատասխանատուն լինելու: